တိုင်းပြည်အာဏာသိမ်းရန်အတွက် မဘသ၊ အမျိုးသားရေး အစွန်းရောက်၊ အယောင်ဆောင်သင်္ကန်းဝတ်များနှင့် စစ်တပ်ပူးပေါင်းပြီး တက်ညီလက်ညီလုပ်ဆောင်ခဲ့ By ရန်ကုန်ခေတ်သစ် - မင်းအောင်လှိုင်အာဏာသိမ်းဖို့ စစ်တပ်၊ မဘသ၊ အစွန်းရောက် အမျိုးသားရေး သမားတွေ အယောင်ဆောင် သင်္ကန်းဝတ်တွေ၊ အစွန်းရောက် နိုင်ငံရေးပါတီတွေနဲ့ အဖွဲ့အစည်းတွေအကြား ဟန်ချက်ညီညီလုပ်ဆောင် ခဲ့ကြတာပါ။ - စစ်တပ်နှင့် မဘသ အဖွဲ့အစည်း၊ အမျိုးသားရေးအစွန်းရောက်တွေရဲ့ ပတ်သက်မှုတွေကို ၂၀၂၀ရွေးကောက်ပွဲ ကျင်းပပြီးနောက်ပိုင်းကာလများအတွင်း ပိုမိုတွေ့ရှိခဲ့ရပါတယ်။ - ၂၀၂၀ ဒီဇင်ဘာ ၂၃ မှာ မင်းအောင်လှိုင်က မဘသ ဥက္ကဋ္ဌ တိလောကဘိဝံသ ကို သွားရောက်တွေ့ဆုံမှု တွေပြု လုပ်ခဲ့ပြီး အလှူငွေ သိန်း(၅၀၀) လှူဒါန်းခဲ့ပါတယ်။ - မင်းအောင်လှိုင် အာဏာသိမ်းယူဖို့ စီစဉ်နေတာတွေကို မဘသဥက္ကဋ္ဌ ဟောင်းတိလောကဘိဝံသ နဲ့ မဘသဒုဥက္ကဋ္ဌ ဟောင်း သီတဂူအရှင်ဉာဏိဿရ တို့က ကြိုတင်သိရှိခဲ့တယ်လို့ မဘသအသိုင်းအဝိုင်းမှာ သတင်းထွက်ခဲ့ပါတယ်။ - စစ်တပ်မှ အာဏာသိမ်းမယ့် အကြောင်းကို အစွန်းရောက် အမျိုးသားရေးလှုပ်ရှားသူတွေကလည်း ကြိုတင် သိရှိခဲ့ကြပါတယ်။ - အဲဒီ ရက်ပိုင်းတွေမှာ အမျိုးသားရေးအစွန်းရောက်တွေကနေ ဦးဆောင်ပြီး ရွေးကောက် ပွဲကော်မရှင်ကို ဆန့်ကျင်တာနဲ့ စစ်တပ်ကိုထောက်ခံတဲ့ ဆန္ဒပြပွဲများစွာကို ပြုလုပ်ခဲ့ပါတယ်။ - အမျိုးသားရေးအစွန်းရောက်တွေရဲ့ ဆန္ဒပြမှုဖြစ်စဥ်တွေကိုအသုံးပြုပြီး ၂၀၂၁ ဖေဖော်ဝါရီ ၁ ရက်မှာ နိုင်ငံတော် အာဏာကို မင်းအောင်လှိုင် ဆီကို လွဲပြောင်းတယ်လို့ စစ်တပ်မှတိုက်ရိုက်ခန့် ဒုသမ္မတ ဦးမြင့်ဆွေက လက်မှတ်ထိုး ထုတ်ပြန်ခဲ့ပါတယ်။ - အာဏာသိမ်းပြီးနောက်ပိုင်း အမျိုးသားရေးအစွန်းရောက်တွေဟာပုံသဏ္ဍာန် မျိုးစုံနဲ့ဖွဲစည်းကြလို့ တချို့တွေက လက်နက်ကိုင် သွေးသောက်၊စွန်ရဲ ပျူစောထီး၊ပြည်သူ့စစ်တို့လို့ လူသတ်ဂိုဏ်းဆန်ဆန်အဖွဲ့တွေကို ဖွဲ့လာကြပါတယ်။ - အာဏာရူးမင်းအောင်လှိုင်ဟာ မိသားစုဆွေမျိုးတစ်သိုက်ကောင်းစားရေးအတွက် အမျိုးသားရေးအစွန်းရောက် အဖွဲ့တွေကို အသုံးချနေတာဖြစ်ပါတယ်။
